Description

سنڌي ٻوليءَ جي استاد شاعر، تنقيد نگار،  عبداللطيف ڀٽائيءَ جي پارکو، ناول نگار

سرمد چانڊيي جو شاهڪار ناول

”شاهه لطيف“

ناول ۾ سرمد چانڊيي شاهه لطيف جي ڪردار وسيلي سنڌ جي سماجي، تاريخي، ثقافتي ۽ ادبي ورثي کي محفوظ ڪيو آهي، جنهن لاءِ ليکڪ کي ورهين تائين محنت ڪرڻي پئي. هن رڳو شاهه لطيف تي ڪيل/ڇپيل ڪم تي نه ڀاڙيو، پر لطيف سائينءَ جي مقامي پارکن ۽ لطيفي درگاهه جي گادي نشينن سان ملاقاتون ڪيون، لطيفي تڪيا وڃي ڏٺا ۽ لطيف سائينءَ بابت مقامي روايتن کي مختلف هنڌن تان گڏ ڪيو. ايئن هيءُ فڪري ۽ فني طور لافاني ناول لکجي تيار ٿيو. سرمد چانڊيو جيئن ته بنيادي طرح هڪ شاعر آهي، تنهنڪري، ناول نگاريءَ جي سمورين فني گهرجن سان گڏ هن ناول ۾ هڪ خاص تخليقي آهنگ به ملندو.